Dette produktet er teknisk ei vidareføring av produktet “Bordform”. Det handlar om å strikke i ring og at forma dannar seg ved å setje av deler av maskene i eit bestemt system til ringen er slutta. Det er viktig form meg at materiale og teknikk er med på å forme produktet på enklaste måte. I tillegg er det viktig at produktet for meg er kontrollert nyskapande på same tid som det har ein link mot historisk materiale (les om “Bordform”) og våre formødre sitt nitidige utforskningsmateriale.

Dette er ei nålepute som også fungerer som eit interiørobjekt. Den er også lett å stikke nåler i. ”Nålering” vert levert med 10 stk knappenåler som passar til eller som biletet viser. Eg lagar nåleringane i blanding av ton i ton fargar og svart/kvit og kvit med kontrastfarge.

Teknikk/materiale: Ullgarn, strikk og 10 stk knappenåler.
Mål: Ø 8-9 cm, H 2 cm